اريد حل خاص للمتزوجون

[ريوف]

السلام عليكم ورحمة الله وبركاته وعليكم السلام ورحمة الله وبركاته ارجوا من الله ثم منكم حل مشكله انا متزوجه 5 سنوات زوجي لا يهتم فيني ولا يعطيني حقوقي سواء في النزهة اوفي حقي في الفرش انا اسكن في بيت ا م زوجي معامله قاسيه معي وزوجي لا ينصحها وزوجي يجلس تحت عند امه وانا اجلس فوق واذا عتابت زوجي قال ناديني انتي واذا ناديتها يطلع علي ريحته دخان ولا يهتم نطافته جسمه ويطلع علي دقيقه بس واذا قالت اجلس قال امي تقوال غريبه طلع مبكر والمشكله اذا طلع عندي يقول تجهزي لي والله ما شاء الله ما قصرات معه اجمل الملابس واجمل العطور نكتار قول ما شاء الله تعبت ارجوا من الله ثم منكم الحل

[ابـ الزعيــم ـن]

حياك اختي

انا من رايي تحرمينه من الجماع حتى يهتم في نفسه اكثر وبذات التدخين

اما بخصوص والدته
هذي حلها بأيدك أنتي لا ترجين من إي انسان ان يحلها حتى ابنها
وعليك معاملتها في احسن حال حتى يحس هي من نفسها


طبعاً انا غير متزوج بس من وجة نظري هذا هو الحل

[الملكـ نـوف ـه]

بالنسبه له حاولي ماتلبين له غربته صراحه كل شي ولا النظافه وغير كذا بعد يدخن انتي حاولي معه تنصحينه يبتعد عن التدخين واذا صار فيه يوم سوي له ليله رومنسيه او حت اذا صار مروق فاتحيه بالموضوع كلميه بالاشياء اللي تتضايقن منها

اما بالنسبه لام زوجك حاولي تكسبينها تقربي منها اذا قست معك والا عصبت عليك حاولي تمسكين نفسك وتكون ردة فعلك تكون طيبه علشان تستحي منك ولا تعاملك بالقساوه

وان شاء الله ربي يسخر لك زوجك وامه وعليك بالدعاء والاستغفار ( اللهم سخر لي زوجي سخرة العبد لسيده - اللهم كما لينت الحديد لداوود لين قلب زوجي وامه لي ) والله يستجيب داعائك يااااارب

[لحظة ياقلبي]

انا اتفق مع ابن الزعيم والملكه نوف كلنا مومتزوجين بس عندنا خبره
شوفي حبيبتي
زوجك واضح انه اناني ماعليش على هالكلمه بس والله تقدرين تغيرينه ويصير لك
احسن زوج بهاالدنيا
اعرف وحده زوجها مدمن مو بس يدخن وترك كل شي بسبايب زوجته
والله ان ها الشي سهل اجلسي معه وهو مروق مو إذا صار توه جاي من الدوام
شوفي الوقت المناسب انتبهي تناقشينه وانتي معاه على الفراش
هذي اسواء مكان لنقاش ماينفع ابد
اختاري وقت مناسب وجيبي ورقه وقلم (متأثره بفوزيه الدريع)
وعطيه يكتب كل اللي مايعجبه فيك
وانتي اكتبي كل اللي مايعجبك فيه
وبعدين قولي له حرام كل هالاشياء اللي كتبناها اشياء بسيطه حرام تغير حياتنا وتحرمنا من بعض
(وشويه دلع وانتي تتكلمين بس عاد مومره تميعين)
والله بعدها راح جد كلاااااااااااااامك يأثر فيه

وبالنسبه لامه مافيه قوه على وجه الارض راح تخليها تتغير غيرك
انتي خليكي مثل بنتها واكثر ولا تزعلين منها مهما صار وبعدين ماتنلام جيتي وخذتي ولدها جاهز
والله مافيه احسن من ام الزوج لو كسبتيها بتصير مثل امك
وبعدين كبيره باالسن لاتواخذينها حتى لو تمد يدها عليك

واحسن طريقه واسرعها
صلاه تالي الليل ادعي لزوجك ولامه ان ربي يسخرهم لك واكثري من الاستغفار
والله بتتغير حياتك بتصير كأنك عايشه بجنه
الله يوفقك اختي
والله كل هاالكلام طالع من قلبي حرام هالاشياء البسيطه تهدم البيوت واننا قادرين على حلها

[ريوف]

جزكم الله الف خير والله ما قصرت والله يرزقكم الزوج والزوجه الصالح والصالحه امبن

[الاسامه]

مع خالص الشكر لكل من رد وعلق
& )من الحلول تكلمي مع أختة اشرحي لها اللي صاير معك هي بتكون متفهمة اكثر وتقدر توصل الفكره للجميع الولد والام خصوصا لو تفهمة المشكلة وحطت هي نفسها مكانك
&) من الحلول إيصال الفهم الصحيح لزوجها عن الزواج وعن الحقوق والواجبات وأن من حق الزوجة على زوجها أن ترى وتشم من كل ما هو جميل وحسن وأن الروائح المزعجة تغرف الزوجه مثل ما الروائح المزعجة تغرفه هو
& ) اما بالنسبة لأمة يحب أن يفهم أن لكل واحد حق وواجب ويجب الموازنة بين رضى الام ورضى الزوجه لكي لا يفقد احدهم ولا يرضي أحدهم على حساب الآخر بس مع الاسف إذا كان زوجك قوطي وماله كلمة وأمة سكانة هذا صعب التفاهم معة
& الحل الاخير أسفهيه ولا تعطينة وجه الرجال إذا شاف زوجته ما تتعدل ولا تتزين له وتصد عنه قصب يحس غصب وكل ما أحرمتة من حنانها ودلعها لا بد أنة بيسأل نفسة لية وش غيرها وش اللي مزعلها ؟عندها فرصتك ؟ اما إذا ما حس معناها انة زوج ما وراه رجوه والله يخلف عليك ؟ وهذا اللي أتوقعه ؟